Ժամանակակից այգեգործության մեջ խելացի սարքերի ներդրումը ընձեռնում է բազմաթիվ առավելություններ: Դրանք ներառում են ոռոգման ճշգրիտ կառավարում՝ հողի խոնավության տվիչների և ոռոգման ավտոմատացված համակարգերի միջոցով: Խելացի լուսավորումը օգնում է ներտնային այգեգործությանը, իսկ ջերմաստիճանի/խոնավության տվիչները օգնում են ստեղծել իդեալական միկրոկլիմա: Բացի այդ, խելացի պարարտացման համակարգերը ճշգրիտ կերպով բաժանում են պարարտանյութերը, մինչդեռ խելացի տեսախցիկները և տվիչները վաղաժամ հայտնաբերում են վնասատուներին և հիվանդությունները: Խելացի սարքերի կուտակած տվյալների վերլուծությունը արժեքավոր պատկերացումներ է տալիս՝ հետագա արդյունավետ որոշումներ կայացնելու համար:
Մեր կողմից նախագծվող խելացի այգիներում հաշվի է առնվում ներտնային կամ սահմանափակ բացօթյա տարածքներում բույսերի մշակման առանձնահատկությունները՝ ապահովելով ռեսուրսների արդյունավետությունը, կառավարման հարմարավետությունը և կատարված ներդրումեների երկարատև և նպատակային շահագործումը: Ռեսուրսների խնայողության համար նախագծում կարող են ներառվել տվիչներ և ավտոմատ սցենարներ, որոնք կախված առկա և սպասվող եղանակային պայմաններից կկասեցնեն կամ կխթանեն ձեր խելացի այգու աշխատանքը: Ըստ մեր կարգախոսի “Միշտ վերահսկելի՝ որտեղ էլ լինեք, ինչ էլ պատահի”, խելացի այգիների մեր բոլոր նախագծերը ներառում են հեռակա վերահսկում և կառավարում, որը հիանալի լուծում է բոլոր նրանց համար, ովքեր քիչ են լինում տանը, բայց վերադառնալով տուն, սիրում են վայելել իրենց փոքրիկ կանաչ անկյունը:
Անհոգ Վայելիր Կանաչ Անկյունդ
Կապակցիր Ավտոմատացումը Բնական Երևույթների Հետ
