ՕԴԱՄԵՏՐ IO1-XX
ՕԴԻ ՈՐԱԿԻ ԴԻՏԱՐԿՄԱՆ ԽԵԼԱՑԻ ՍԱՐՔ
Ներտնային օդի որակի վերահսկող այս սարքը նախատեսված է ձեզ տեղեկացված պահելու համար այն օդի մասին, որը շնչում եք ձեր տանը կամ աշխատավայրում։
Սարքը չափում է օդի հիմնական ցուցանիշները՝ փոշու մասնիկներ (PM1, PM2.5, PM10), CO₂, VOC, NOx, ջերմաստիճան, օդի հարաբերական խոնավություն և մթնոլորտային ճնշում, ինչպես նաև հաշվարկում է ամփոփ օդի որակի ցուցանիշ՝ ընդհանուր պատկերն արագ գնահատելու համար։
Ըստ մոդելի՝ սարքը կարող է նաև հայտնաբերել CHOH խմբի գազերի, օզոնի (O₃), ջրածնի (H₂), ամոնիակի (NH₃) և ֆրեոն գազերի առկայությունը՝ օգնելով ժամանակին նկատել օդի որակի փոփոխությունները։ Բոլոր տվյալները ներկայացվում են պարզ և հասկանալի ձևով՝ 3.5″ սենսորային գունավոր IPS էկրանին, իսկ Wi-Fi ցանցի առկայության դեպքում նաև համակարգիչների և շարժական սարքերի վրա։
Սարքը կարող է աշխատել ինքնուրույն, ինչպես նաև խելացի տան համակարգի մեջ ինտեգրված։ Ինքնուրույն աշխատանքային ռեժիմում սարքը կարող է հավաքագրել, մշակել և ցուցադրել առավելագույնը վերջին 30 օրվա չափման տվյալներ, իսկ խելացի տան համակարգի առկայության դեպքում տվյալների հավաքագրումը գործնականում չունի սահմանափակում՝ ապահովելով օդի որակի երկարաժամկետ դիտարկման և մշակման հնարավորություն։
Բացի այդ, սարքը կարող է կառավարել մինչև երկու արտաքին սարք, օրինակ՝ օդորակիչներ, խոնավացնող կամ չորացնող սարքեր, էլեկտրական հովհարներ և այլ նմանատիպ սարքեր՝ օգնելով ավելի համակարգված արձագանքել օդի որակի փոփոխություններին։
Սարքը կարելի է կառավարել ինչպես առկա սենսորային էկրանի միջոցով, այնպես էլ ներկառուցված Wi-Fi ցանցի միջոցով։ Սարքում առկա վեբ միջերեսի շնորհիվ չափումների տվյալները հասանելի են դառնում լոկալ ցանցում գտնվող համակարգիչների և շարժական սարքերի վրա՝ առանց հավելյալ ծրագրերի։ Սարքը կարող է հեշտությամբ ինտեգրվել խելացի տան համակարգի մեջ, համալրելով այն մարդու կենսագործունեության համար չափազանց կարևոր տվյալներով և երկարաժամկետ օդի որակի դիտարկման և տվյալների մշակման հնարավորությամբ։